Foto: Pexel

Sastojci:

(za 4 osobe)

– 250 g brašna

– 1 kašičica praška za pecivo

– 1/4 kašičice sode bikarbone

– 2 zrele banane

– 120 g mekog maslaca

– 100 g šećera

– 1 kašičica vanilin šećera

– 2 jaja

– 4 kašike kisjele pavlake

– 50 g sjeckanih badema

Priprema:

Brašno pomiješati sa praškom za pecivo i sodom bikarbonom u jednoj posudi, u drugoj izgnječite bananu.

U trećoj posudi maslac sobne temperature kratko izmiksati i u njega dodati šećer i vanilin šećer dok smjesa ne postane kremasta i bijela (oko pet minuta).

Zatim dodati jedno po jedno jaje i svaki put smjesu miksati oko jedan minut.

Nakon toga dodati kisjelu pavlaku.

U smjesu ručno, ili mikserom na najmanjoj brzini, dodati bananu, smjesu sa brašnom i sjeckane bademe. Smjesu samo kratko pomiješati.

U kalupe za mafine uliti smjesu i peći u zagrijanoj rerni na 180 stepeni oko 20 minuta. Izvaditi ih iz rerne i nakon nekoliko minuta ih izvaditi iz kalupa da se hlade.

Prijatno!