Jutarnji tuš će vas razbuditi, dok će vas večernji pripremiti za spavanje (Pixabay) Jutarnji tuš će vas razbuditi, dok će vas večernji pripremiti za spavanje (Pixabay)

Hoćete li otići pod tuš čim otvorite oči ili ste jedni od onih koji ne mogu zamisliti odlazak u krevet ukoliko se prethodno nijesu istuširali, stvar je navike. Stručnjaci otkrivaju koja je od te dvije navike bolja za tijelo.

Ako ste među onima koji se probude masnog lica, onda je prva stvar za kojom posežete kozmetika za čišćenje. S druge strane, ako imate suvu kožu, čeznete za jutarnjim umivanjem. Isto važi i kad je riječ o tuširanju, piše Mbg.

Ako se tuširate samo tokom jutra, možda u krevet idete s bakterijama na koži.

"Nekoliko minuta pod tušem može uspješno otkloniti jutarnji umor i razbuditi vas", kaže dermatolog Loretta Ciraldo.

Ako se teško budite, jutarnji tuš je možda upravo ono što vam treba kako biste nabacili osmijeh na lice. Kako biste postigli šok organizma, pokušajte se ispirati hladnom vodom. Studije su pokazale da hladan tuš ujutro podstiče dnevnu produktivnost.

Jutarnji tuš će vas razbuditi, dok će vas večernji pripremiti za spavanje.

"Mnogi smatraju da večernje tuširanje smiruje čula nakon napornog dana", kaže Ciraldo.

To potvrđuju i istraživanja koja navode kako kupka ili tuš sat vremena prije spavanja smanjuju temperaturu jezgra tijela i pomažu da se naspavate.

Hoćete li se tuširati ujutro ili prije spavanja, zavisi samo od vas, kao i pitanje koliko često bi se trebalo tuširati.

"To je lična stvar i može se mijenjati iz dana u dan, zavisno od aktivnosti", ističe Ciraldo.

Takođe, možete se tuširati i nakon buđenja i prije spavanja, zavisno od okoline u kojoj boravite, tipu kože te aktivnostima kojima se bavite. No, ako baš treba izabrati stranu, čini se da večernje tuširanje ima više prednosti.