Manji požar na Župi

Na području srušene kasarne na Župi danas je izbio manji požar u žbunju i rastinju. Na teren je upućeno jedno vozilo sa tri pripadnika Službe zaštite i spašavanja Tivat. Ubrzo su se u akciju uključila i Dobrovoljna vatrogasna društva Boka i Tivat, koja su pružila podršku dopunom vode, nakon čega se pristupilo gašenju požara.

Iz Službe zaštite i spašavanja Tivat navode da je požar stavljen pod kontrolu i da nema opasnosti po stambene objekte.

Ujedno podsjećaju građane da u ovim toplim i sušnim danima budu posebno oprezni kako bi se spriječilo izbijanje novih požara.