Foto: ilustracija/printscreen

Odredite tačnu veličinu

Prva stavka svakako je odabir savršene veličine. Dobro bi bilo pre kupovine izmjerite stopalo pomoću kartona na koji ćete nacrtati obris stopala. Ne zaboravite obrisu dodati desetak milimetara od najdužeg prsta kako bi bilo prostora za rast i pomjeranje prstića. Dijete će se pritom zabaviti, a vi ćete dobiti okvirnu veličinu koju možete zatražiti u prodavnici. Naravno, uvek valja imati na umu da veličine variraju zavisno od proizvođača i modela pa je važno da dijete cipele isproba.

U kupovinu je najbolje da se uputite u popodnevnim satima, jer je tad stopalo malo šire i otečenije pa ako im cipele budu tada odgovarale, možete biti sigurni da im kasnije neće biti tijesne.

Kako znati jesu li djetetu cipele udobne?

Prvi pokazatelj dobre veličine je da dijete može lako obuti cipelicu bez da ga ona stiska i stvara nelagodu. Svakako je poželjno da dijete nakon što obuje cipelu stane mirno kako bi prsti i stopalo bili ravni na podlozi. Potom neka prošeta malo po prodavnici da osjeti prianjaju li cipele dovoljno uz stopalo. Važno je provjeriti i kako cipele stoje djeci kod pete. Ne smije biti previše mjesta između djetetove pete i ivice cipele, a cipela na peti ne bi smjela prelaziti donji rub pantalona, stako da obratite pažnju i na to.

Poslednji test je stara tehnika koje se svi sjećamo iz detinjstva – provjera prstića u cipelama. Uhvatite nogu kod pete jednom rukom, a drugom lagano provjerite koliko se prsti pružaju naprijed u cipeli. Ako su skvrčeni ili na samom kraju cipele, potreban je veći broj. Ako osjetite da ima previše mjesta ispred palca, bilo bi dobro probati i manji broj. Za svaki slučaj posavjetujte se sa prodavačem ili prodavačicom u prodavnici kako biste pravilno odabrali veličinu.

Mit o cipelama koje su broj veće

Najčešća greška prilikom kupovine obuće za djecu je slušanje savjeta koji mnogi stariji članovi porodice govore – kupovina cipelica koje su za broj veće jer djeci noga brzo raste, pa se tako štedi novac. To nikako nije dobra ideja, jer je time djetetu otežano kretanje, a može doći i do lošijeg razvoja stopala zbog nepravilnog hodanja i položaja u cipeli.

Provjeravajte koliko stopalo raste i uštedite novac

Važno je i tokom godine provjeravati odgovaraju li djetetu cipele i dalje. Kod djece do godinu dana starosti svakih mjesec i po do dva treba provjeriti koliko je stopalo naraslo prije kupovine nove obuće. Kod djece od dve godine stopalo naraste svaka dva do tri mjeseca, a kod djece starije od tri godine za otprilike tri do četiri mjeseca. Sa starijom djecom je taj razmak nešto veći pa stopalo možete provjeriti svakih 6 meseci i tada poći u kupovinu novih.

S obzirom na to da je djeci potrebno češće kupovati obuću, razumljivo je da roditelji žele da uštede novac. Ipak, bolje je uštedjeti tako da ako pronađete model koji se djetetu sviđa, kupite i jedan dodatan par koji je za pola broja veći kako bi dijete moglo nositi svoje omiljene tenisice ili cipele kad mu noga malo poraste.


Udobnost i prirodni materijali neka budu na prvom mjestu

Što se tiče kvalitete obuće, bitno je obratiti pažnju na nekoliko stvari. Đon nikako ne bi trebalo da bude pretvrd. Takav đon nije dovoljno udoban, a time je smanjen i osjećaj podloge po kojoj se dijete kreće. Tako da je bolje izabrati elastičniji đon koji se ne kliže. Težina tijela mora biti pravilno raspoređena na cijelo stopalo zbog ravnoteže i pravilne posture, što se postiže nižom petom. Takođe, važno je da cipele budu dovoljno savitljive na prstima te da je gornji deo mekan. Posebno ako se radi o papučama u kojima dijete u školi i vrtiću provodi veći dio dana.

Cipele od prirodnih materijala najbolji su odabir za stopalo

vašoj djeci kako bi noga u njima disala. Takve cipele smanjuju mogućnost znojenja stopala i stvaranja žuljeva, a dijete se u njima lakše kreće i bolje oseća. Odličan odabir su cipele koje već u sebi imaju i anatomski uložak koji doprinosi udobnosti i pravilnom razvitku stopala.

Za nešto manju djecu koja još uvek nisu savladala vezanje pertli dobro je odabrati patike na čičak. Njih je lako obuti i učvrstiti da vaše dijete sigurno može da uživa u trčanju i igri.

Izvor: zadovoljna.nova.rs