Foto: Pexels

Šampinjoni se mogu raditi zaista na različite načine, mnogi su recepti sa šampinjonima jednostavni. Ovaj recept sa šampinjonima je praktičan jer se radi u pećnici, te nakon pripreme ne zahtjeva puno angažmana, a može biti glavno jelo ili prilog.

Šampinjoni s povrćem iz pećnice

Sastojci:

pola kg šampinjona
6 krompira
2 mrkve
2 paprike
2 žličice mljevene crvene paprike
1 žličica soli
1 kašičica vegete
papar, bijeli luk
malo ulja
100 ml vode


Goto: Boka news

Priprema:

Šampinjone dobro oprati. Ako su manji ostaviti ih čitave, a ako su veći popoloviti ih.

Krompir i mrkvu oguliti i narezati na manje komade. Papriku oprati i takođe izrezati.

U veću zdjelu staviti sve šampinjone i povrće, dodati začine i malo ulja, te dobro izmiješati. To se može napraviti i u tepsiji, ali je jednostavnije u zdjeli.

Može se koristiti tepsija s poklopcem. Bitno da je neka ipak malo dublja, a ako nema poklopac umjesto poklopca koristite aluminijsku foliju.

U tepsiju staviti malo ulja te u nju istresti sve sastojke. Količina će biti veća, no na kraju pečenja računajte da će biti manje od pola toga. Stoga se nemojte čuditi količini sastojaka. Dodajte i 100 ml vode (ili malo manje).

Poklopiti (ili staviti preko foliju) i staviti u pećnicu zagrijanu na 250 stupnjeva.

Tako peći pola sata, izvaditi iz pećnice i sve promiješati.

Vratiti u pećnicu još 10 minuta. Potom otklopiti i pustiti još 5 do 10 minuta da se malo zapeče.

Na ovakav način povrće i šampinjoni će biti sočni, a na dnu će biti malo umaka.

Ako želite da je povrće jače zapečeno, i bez tekućine na dnu tada nakon pola sata povrće promiješajte, smanjite temperaturu na 200 stupnjeva te pecite još 20 minuta. Ovo će ovisiti i o tome koliko je ostalo povrće pustilo vode, a možete na početku dodati manju količinu vode.

Šampinjoni u pećnici se mogu raditi s raznim povrćem, ali i s mesom.

Ovako pripremljeni šampinjoni mogu biti prilog mesu, ali i glavni obrok.

Vrijeme pečenja: oko 45 minuta

Izvor: Boka news