Foto: Reuters

Norveški Nobelov komitet odlučio je da Nobelovu nagradu za mir 2023. dodijeli Mohamadi zbog njene borbe protiv ugnjetavanja žena u Iranu, kao i za promovisanje ljudskih prava i sloboda za sve, prenosi Rojters.

Mohamadi je među vodećim iranskim aktivistima za ljudska prava, a vodila je kampanju za prava žena i ukidanje smrtne kazne.

Ona trenutno služi kaznu zatvora od 12 godina u Teheranu, a optužena je, između ostalog, i za širenje propagande protiv države.

Mohamadi je zamjenica šefa "Defenders of Human Rights Center", nevladine organizacije koju vodi Širin Ebadi, dobitnica Nobelove nagrade za mir 2003. godine.

Nobelova nagrada za mir, vrijedna 11 miliona švedskih kruna, ili oko milion USD, biće uručena u Oslu 10. decembra, na godišnjicu smrti švedskog industrijalca Alfreda Nobela koji je osnovao nagrade u svom testamentu iz 1895. godine.